Susihunon pa ang kondisyon ni New York Knicks center Karl-Anthony Towns kon makaduwa kini sa Game 5 sa Eastern Conference finals series sa National Basketball Association (NBA) batok sa Indiana Pacers karong Biyernes, Mayo 30, 2025 (PH time).
Sa kapildihan sa Knicks sa Game 4, 121-130, kagahapon, Miyerkules, Mayo 28, nga nagtagak kanila sa 1-3 nga biya sa series, daw nakasinati og angol sa iyang wa nga tuhod si Towns human sa ilang panagbangga ni Pacers forward Aaron Nesmith sa nahabiling 2:11 minutos.
Nakatiwas ra hinuon si Towns sa duwa apan kinahanglan pa susihon ang iyang kondisyon karong adlawa, Huwebes. / Gikan sa wires