PATAY nang nakaplagan sa usa ka gitrabaho nga septic tank sa buntag sa Lunes, Abril 8, ang usa ka lalaking construction worker sa P. Burgos St., Brgy. Centro, dakbayan sa Mandaue.
Ang biktima giila nga si Vicente Benignos Bandolon, minyo, taga lungsod sa Asturias, tunga-tungang kasadpang Sugbo.
Sa imbestigasyon sa kapulisan sa Police Station 1 sa Mandaue City Police Office (MCPO), si Bandolon nakit-an sa iyang mga kauban nga nag-inom og ilimnong makahubog mga ala 1 sa kaadlawon sa Lunes.
Mga alas 5:15 sa buntag nakaplagan siya nga patay na sa iyang duha ka mga kauban nga sila si John Paul Malinao ug Dominidor Pedrejo,
Ang katunga lawas sa biktima nga naghigda naapawan sa tubig sa septic tank.