Posibleng matangtang sa trabaho ang usa ka electrician human giingong niunay og kawat og mga wire sa construction site nga iyang gitrabahuan mga alas 5:30 sa hapon niadtong Agusto 17, 2025, sa may D. Jakosalem Street, Barangay Zapatera, Siyudad sa Sugbo.
Nailhan ang suspek nga si alyas Ram, 58-anyos, lumad nga taga BiƱan, Laguna apan kasamtangang nagpuyo sa Dakbayan sa Lapu-Lapu.
Subay sa imbestigasyon sa Parian Police Station, gidakop si Ram sa mga guwardiya sa maong construction site human nakit-an ang wire sulod sa iyahang bag atol sa pag-inspeksyon niini sa dihang padulong na siya mogawas.
Ang mga narekober nga 5.5mm THHN wire nga adunay gitas-on nga 13 metros og 3.5mm THHN wire nga 12 metros adunay kinatibuk-ang kantidad nga P1,154.
Ang maong suspek mag-atubang og kasong Qualified Theft. / JDG