Usa ka lead man sa usa ka shipyard firm gipusil-patay sa wa mailhing riding-in-tandem sa national highway sa Barangay Abucayan, lungsod sa Balamban, tunga-tungang kasadpang Sugbo, sa alas 7:30 sa buntag sa Biyernes, Pebrero 23, 2024.
Giila ang biktima nga si Alberto Inan Dorado, 47, minyo, residente sa nahisgutang lugar. Matod ni Master Sergeant Alby Agua sa Balamban Police Station, ang biktima nagmaneho sa motorsiklo paingon sa trabahoan dihang gituparan sa riding in tandem.
Ang angkas maoy nipusil sa biktima, kinsa natumba sa karsada. Wa pa masayri sa kapulisan ang motibo.