Trabahante nakuryentihan, patay

Trabahante nakuryentihan, patay
Tampo nga hulagway

USA ka lalaking trabahante na­kuryentihan samtang nagtrabaho sa sports complex sa Barangay Inayawan, dakbayan sa Sugbo, alas 11:05 sa buntag sa Lunes, Disyembre 11, 2023.

Ang biktima giilang si Christian Caranoo, 20, ulitawo, taga lungsod sa Alicia, Bohol.

Si Vincie Monterde, barangay administrator sa Inayawan, nagkanayon nga si Caranoo nagtrabaho sa atop sa sports complex nga ubos sa usa ka contractor.

Matod ni Monterde, ang biktima naghakot og sin ug kalit nga nikusog ang hangin hinungdan nga nasaghid kini sa secondary line sa kuryente.

Nikirig ang biktima nga nakaangkon og mga paso sa iyang duha ka mga paa ug tiyan.

Ang biktima, matod ni Monterde, maayo og panimuot sa dihang gi-rescue. Ang fire brigade nidala sa biktima sa Cebu City Medical Center (CCMC) apan patay nang niabot.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph