Trabaho sa docking blocks, koral gipahunong ni Gwen

MILAPAS: Gipahunong ni Cebu Gov. Gwendolyn Garcia ang katukoran sa koral ug docking blocks sa beachfront property sa San Remigio, Cebu tungod kay milapas sa easement zone. / SUGBO NEWS
MILAPAS: Gipahunong ni Cebu Gov. Gwendolyn Garcia ang katukoran sa koral ug docking blocks sa beachfront property sa San Remigio, Cebu tungod kay milapas sa easement zone. / SUGBO NEWS

Gimando ni Cebu Governor Gwendolyn Garcia ang pagpahunong sa construction sa gipamutang nga perimeter fence ug konkretong docking blocks sa baybayon sa Barangay Anapog, lungsod sa San Remigio, lalawigan sa Sugbo.

Sa giluwatang memorandum ni Garcia, nasayran nga subay sa gihimong inspection o pagsusi sa mga sakop sa Provincial Environment and Natural Resources (PENRO), lakip na ang mga opisyal sa naasoy’ng barangay, nasuta nga nakalapas sa easement zones ang gipanday nga mga istruktura.

Ang 125-metros nga koral ug docking blocks nga gihimo, gitagana unta alang sa mga jet ski nga gipanag-iya sa usa ka negosyante nga giingong nakapalit sa beachfront property.

Matod sa Capitol Information Office nga subay sa resulta sa pagsusi, nasuta ang giingong kalapasan sa tag-iya sa Water Code ug easement rules ug regulations.

Giingong napakyas ang tag-iya sa pagkompleto sa importanteng permits, lakip niini ang fencing permit ug Special Use Agreement in Protected Ares (SAPA) permit nga niresulta sa pagpahunong sa construction sa mga ilegal nga istruktura sa lugar.

Sayo niini, gipasusi ni Garcia ang mga environmental hazards sa tourist attractions sa lalawigan sa Sugbo aron mapanalipdan ang kalikupan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph