Nipagawas na ang buhatan sa Cebu City Transportation Office (CCTO) og rerouting plan sa mga rota nga maapektohan atol sa Pasigarbo sa Sugbo 2024 karong Agusto 25, 2024 nga ipahigayon sa Cebu City Sports Center (CCSC).
Ang Street Dance parade nga manukad sa Cebu Provincial Capitol mosubay sa Osmeña Boulevard lahos na sa (CCSC) diin ang maong kalsada sirhan atol sa maong kalihokan.
Ang red mark sa traffic plan nagpasabot og No Entry Zone.
Ang mga kalsada nga sirhan naglakip sa bahin sa Osmeña Boulevard, M. Velez Street ug V. Rama Avenue.
Samtang ang pink route maoy assembly area sa mga partisipante nga magsugod sa corner J. Alcantara St. ug V. Rama Ave. nga molahos sa M. Velez St., ngadto na sa Don Gil Garcia St., ug motapos sa dalan N. Escario.
Giawhag ang mga motorista sa paglikay sa maong mga dalan ug subay sa gitakda nga reroute sa trapiko.
Ang kolor green ug yellow route sa mapa magsilbing alternative nga agianan sa mga motorista alang sa southbound ug northbound. / FVQ, PR