Posible nga moretiro na si pound-for-pound boxer American Terence Crawford human sa pagpakig-away niini batok ni Mexican superstar Saul Canelo Alvarez karong Septiyembre, 2025.
Mao kini ang gibutyag sa dugay nga nga trainer ni Crawford nga si Brian “BoMac” McIntrye.
Gipasabot ni McIntrye nga tinguha ni Crawford nga maselyo ang iyang legasiya sa dili pa kini moretiro ug mao kini ang away nga dugay nang gihuwat sa two-division undisputed champion.
“It probably could be the last one. It probably could. Yeah. Probably could,” matod ni McIntrye nga napatik sa www.boxingscene.com.
Si Crawford mag-38 anyos na karong Septiyembre.
Sa laing bahin, masaligon si McIntrye nga dili mosaler ang dakong bintaha ni Alvarez sa gidak-on ug gibug-aton sa abilidad ni Crawford.
“No, I’m not worried about size. Terence got a great eye at boxing and a great boxing IQ. The only person who can beat Terence is himself,’ dugang ni McIntrye. / ESL