Transgender gipapriso sa kustomer
Nabalhog sa Mabolo Police Station ang usa ka 24 anyos nga transgender human gipapriso sa 31 anyos nga Chinese national nga iyang gika-check-in sa usa ka hotel sa Barangay Kasambagan sa Dakbayan sa Sugbo, alas 10:30 sa gabii, Hunyo 20, 2025 atol sa ilang panaglalis.
Ang suspek giila sa alyas nga Mia, 24, make-up artist, nga taga Barangay Ibo, Siyudad sa Danao.
Ang biktima nga naa pa sa tambalanan human hapit maputol ang iyang walang tudlo giila sa alyas nga si Kuang, 34, tinun-an sa usa ka International Language Studies nga nag-base sa MJ Cuenco sa Siyudad sa Sugbo apan kasamtangan nga nagpuyo sa usa ka hotel sa Presidente Quezon Street, Barangay Mabolo.
Sa imbestigasyon sa Mabolo Police Station sa pagpangulo sa hepe niini nga si Police Major Eric Gingoyon, nga nakadawat sila og tawag sa front desk sa hotel gumikan kay ang maong Chinese national nagpatabang kanila labot sa nahitabong komusyon sa sulod sa ilang giabangang lawak.
Dali nga miabot ang mga police ug gipusasan si alyas Mia ug gidala sa Mabolo Police Station, samtang ang langyaw gidala usab sa usa ka pribadong tambalanan tungod sa iyang samad sa tudlo nga naigo sa nalamba nga pultahan sa iyang giabangan nga kwarto.
Si alyas Mia sa iyang bahin mireklamo kay alang kaniya siya ang biktima gani nihubag ang iyang ngabil nga gisumbag ni Kuang.
Gibutyag ni Mia nga nakailaila niya ang maong langyaw sa usa ka dating app ug gihagad siya niini og check-in sa usa ka hotel nga gisanong usab niya.
Giangkon niya nga wala makahibawo si alyas Kuang nga usa siya ka transgender ug tuod man nag-abot sila sa usa ka lawak sa hotel gani gihulagway niya ang langyaw nga hot kaayo kay wala pa gani siya makapahimutang gikupogan na siya niini ug gihuboan.
Sa dihang nahuman na ang ilang unang hugna sa kumbati nananghid siya nga maligo sa banyo apan dako nalang ang iyang katingala kay paggawas niya giingnan siya nga dili idayon ang ilang sabot ug gipapauli na siya niini.
Gisabot lang niya kini ug nangayo siya’g pamlete apan nasuko matod pa ang langyaw ug dinhi na sila nag-away.
“Pag-abot nako sa room naghubo man dayon siya mao to nakakuan nako niya. Mao to ni kuan ko nisulod sa banyo kay mag-shower ko unya niingon dayon siya nga dili nalang daw siya unya niingon ko nga ok ra, di man sad nako sya bet pud kay di man siya gwapo. Niana ko niya nga tagai na lang kog plete kay mouli nalang ko, di man sya mohatag mao to ako siya gipasabot pero feel nako di man siya makasabot, manawag unta ko sa taga lobby iya man ko gisumbag mao to nagdalidali kog bira sa door unya nibira man siya sa door wala nako kabalo nga naipit na siya,” matod ni Mia.