Aron makapadayon sa pagpangandam sa pagpanumpa ug pormal nga pag transition ni Cebu Governor-elect Pamela “Pam” Baricuatro, nakigtagbo pag-usab ang kampo niini sa Department of Interior and Local Government (DILG) Cebu Province.
Si Ruben Licera, tigpamaba ni Baricuatro nagkanayon nga hangtod ning pagsuwat wala sila makadawat og pormal nga coordination gikan sa transition team ni outgoing Cebu Governor Gwendolyn Garcia.
Hinungdan nga nakigkita kini pag-usab ni Dr. Jesus Sastrillo Jr. aron mahapsay ang transition sa bag-ong administrasyon.
Matod ni Licera nga nikompirmar si Sastrillo kanila nga wala usa’y tigom nga mahitabo tali kanila ug sa outgoing officials.
Hinuon nakaduso na sa mga preliminary document ang pipila ka mga department head.
“Dr. Sastrillo confirmed that no joint transition meeting has occurred with outgoing officials; however, several department heads have begun submitting preliminary documents to comply with the turnover protocol. The DILG also offered a secure digital platform for the smooth and secure exchange of transition documents between teams,” matod ni Licera.
Sa nasayran, una na nga niluwat og pamahayag si Baricuatro kabahin sa giingong walay koordinasyon sa duha ka kampo alang sa tinguha niini nga hapsay nga transition.
Taliwa niini, gipahibawo sa kampo ni Baricuatro nga pormal siyang molingkod sa posisyon sa Hunyo 30, 2025 sa alas 12:00 sa udto. / ANV