Traya mosagubang sa labing dako niyang away

SunStar Basketball
SunStar Basketball

Sagubangon ni Filipino Elmo Traya ang labing dako niyang away sa iyang pagpakigbatok ni kanhi world champion Miguel Berchelt alang sa inilugay sa World Boxing Council (WBC) International light welterweight title karong Hulyo 27, 2024, sa Palenque sa Tlaxcala, Mexico.

Sa interbyu sa Sun.Star Cebu, nagkanayon si Traya nga mao kini ang iyang gipangandoy nga away diin makaharong siya og dekalidad nga kontra.

Gipasabot ni Traya nga dako ang iyang pagsalig nga modaog ning awaya gumikan kay kinaham niyang kontrahon ang sama og abilidad ni Berchelt.

Si Traya, kinsa kanhi sakop sa nabungkag nga ALA stable sa Sugbo, anaa na karon sa Highland Boxing Gym sa Benguet diin kauban niya ang laing sakop sa ALA stable nga si Albert Pagara.

Si Traya, kinsa lumad nga taga Tabuelan, Cebu, naggunit og 13-5, 8KOs nga rekord samtang si Berchelt naghupot og 39-3, 35KOs nga baraha. /EKA

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph