Traysikol drayber nga ex-convict ang namatay human gipusil sa alas 2:45 sa hapon, Sabado, Pebrero 1, 2025 sa Sitio Tigib, Barangay Lagtang, Dakbayan sa Talisay.
Ang biktima giila nga si Jeffrey Delantar alyas Par, 33, nga taga Purok Tubig, Sitio Ilang-Ilang, Brgy. Lagtang sa maong dakbayan, ang patay dihadiha human iyang lawas nakaangkon og mga samad pinusilan. Atol niining pagsuwat wa pa mailhi ang mamumuno.
Nasayran nga ang biktitma naglingkodlingkod sa traysikol niadtong higayuna nga nagpahuway ilawom sa punoan sa kahoy.
Sa dihang gipusil sa makadaghang higayon, samtang ang kapulisan sa Talisay nagpadayon sa ilang imbestigasyon sa maong kaso.
Nasayran nga si Delantar nabilanggo kaniadto sa kasong illegal nga drugs. / GPL