Tres ni Murray mitiklo sa Lakers

Mipasulod og clutch nga 3-pointer si Jamal Murray nga 5.6 segundos ang nahabilin nga oras sa duwa nga gisundan sa steal ni Russell Westbrook sa inbounds pass ug exclamation-point dunk nga maoy miselyo sa 131-126 nga daog kontra Los Angeles Lakers, Marso 15 ( PH time) sa National Basketball Association (NBA) regular season game.

Gitapos ni Murray ang duwa nga dunay 26 puntos, lakip niini ang pinakaimportante nga tres nga nagpayanog sa selebrasyon sa Nuggets.

Ang Lakers misandig kang Austin Reaves kinsa mikamada og 37 puntos ug Dalton Knecht nga mitali og 32 puntos.

Ang duha maoy mipuli og pamuntos sa pagkawala ni LeBron James ug Luka Doncic tungod sa left calf injury management ug right ankle sprain.

Si Nikola Jokic, kinsa mipuntos og 28, mao ang nakatabla sa duwa pinaagi sa three-point play, samtang sipyat ang itsa ni Reaves sa pikas korte nga maoy nakaplastada sa heroic ni Murray. / RSC