Kapin sa 50 ka dancers sa Tribu Magno nga puno sa asite ang lawas ninghalad og sayaw ni Sr. Sto. Niño, alas 6:00 sa buntag, Dominggo, Enero 21, 2024, sa Barangay Lahug, dakbayan sa Sugbo.
Ang maong kalihukan kabahin sa panaad sa pamilya ni Pisyong Magno, lumad nga taga Lahug, nga panahon sa Fiesta Señor mohalad sila og sayaw sa Balaang Bata.
Tradisyon nga costume ingon man ang itom kaayong asite nga gipahid sa ilang kalawasan.
Apil sa mga ningsayaw ang mga bata nga naghatag sab og hugyaw sa mga nanan-aw.
Kini nga grupo walay labot sa contingent sa Sinulog Festival sa dakbayan apan nihimo og lahi nga sayaw sa Sinulog sa ilang dapit nga nakahatag og dugang kaalegre sa kapistahan. (GPL)