Mga duwa karon:
4:30 pm- NorthPort
batok Terrafirma
7:30 m- TNT batok Phoenix
Paamagon og suway sa TNT Tropang Giga ang ilang paglaom nga makabaton og twice-to-beat nga bintaha sa nagkaduol nga quarter-finals sa ilang pagpakigbatok sa Phoenix Super LPG Fuel Masters sa main game sa Philippine Basketball Association (PBA) Philippine Cup sa Ninoy Aquino Stadium karong gabii, Abril 24, 2024.
Ang Tropang Giga kasamtangang naa sa ikaunom nga dapit dala ang 4-4 nga rekord apan kon modaog sila ning sangkaa, hayan posibleng makaambak sila’g taastaas sa standing.
Ang mopatigbabaw nga upat human sa single round-robin elimination mao ang makapanag-iya og twice-to-beat nga benepisyo sa quarter-finals.
Ang Fuel Masters, nga adunay 3-5 nga rekord, kasamtangang natanggong sa three-way tie sa ikawalo nga puwesto kauban ang Meralco Bolts ug Blackwater Bossing.
Kuli na man tuod ang posibilidad nga makabaton pa sila og twice-to-beat apan mahinungdanong modaog ang Fuel Masters ning sangkaa aron mohayag ang ilang paglaum nga masulod sa quarter-finals.
Sa premirong duwa, buakon sa NorthPort Batang Pier ug Terrafirma Dyip ang ilang panagtabla sa ikapitong puwesto.
Parehong naggunit og 4-5 nga rekord ang Batang Pier ug Dyip. / ESL