Andam momando pagbalik si United States President Donald Trump nga pabombahan pag-usab ang nasod sa Iran kon palapdan pa sa maong nasod ang ilahang mga kalihokan sa nukleyar.
“Without a question. Absolutely,” matod ni Trump dihang nahinabi sa mga tigbalita sa White House briefing room.
Gikumpirmar usab ni Trump gibuhian na sa iyang administrasyon ang plano nga ipagaan ang mga silot sa Iran, nga usa unta sa ilang gikonsiderar nga potensyal nga pagbukas sa diplomasiya.
Niadtong Biyernes, mibotar ang Senado sa US batok sa usa ka resolusyon nga maglimita sa awtoridad sa presidente sa paglusad og dugang nga aksyong militar batok sa Iran nga walay pagtugot sa kongreso. / PNA