NEW YORK – Si Presidente Donald Trump nag-post og usa ka artipisyal nga intelligence-generated nga imahe sa iyang kaugalingon nga nagsul-ob og sapot isip santo papa samtang nagpadayon ang pagbangotan sa kamatayon ni Pope Francis ug pipila ka mga adlaw sa dili pa magsugod ang conclave sa pagpili sa mopuli niya.
Ang gibuhat ni Trump nakakuha og mga pagsaway gikan sa usa ka grupo nga nagrepresentar sa mga obispo sa Katoliko sa New York ug sa mga Italyano.
Ang hulagway nga gipaambit niadtong Biyernes sa gabii sa Truth Social site ni Trump ug sa ulahi gi-repost sa White House sa opisyal nga X account niini, nagpataas sa kilay sa social media ug sa Vatican nga anaa pa sa yugto sa siyam ka adlaw nga opisyal nga pagbangotan human sa kamatayon ni Pope Francis niadtong Abril 21.
Ang mga Katolikong kardinal naghalad sa matag adlaw nga misa alang kang Francis ug gitakdang ablihan ang conclave aron mapili ang iyang manununod sa Miyerkules.
Ang pagkamatay sa usa ka papa ug ang pagpili sa lain, usa ka butang nga labing solemne alang sa mga Katoliko, diin ang papa mao ang puli ni Kristo sa Yuta.
Ang imahen nga nagpakita kang Trump sa usa ka puti nga sotana ug gipunting nga mitra, o kalo sa obispo, mao ang hilisgutan sa daghang mga pangutana sa adlaw-adlaw nga conclave briefing sa Vatican niadtong Sabado.
Ang mga taho sa balita sa Italyano ug Espanyol nisaway sa maong pagyagayaga ni Trump nga giingon nga kini nakapasakit tungod kay ang panahon sa opisyal nga pagbangotan nagpadayon pa.
Ang kanhi Premier Matteo Renzi miingon nga ang imahe makauulaw.
“This is an image that offends believers, insults institutions and shows that the leader of the right-wing world enjoys clowning around,” misulat si Renzi sa X.
“Meanwhile, the U.S. economy risks recession and the dollar loses value. The sovereignists are doing damage, everywhere.”
Ang tigpamaba sa Vatican, si Matteo Bruni, nagdumili sa pagkomento.
Sa Estados Unidos, ang New York State Catholic Conference nga nagrepresentar sa mga obispo sa estado sa pagtrabaho kauban ang gobyerno, nag-akusar kang Trump sa pagyagayaga.
“There is nothing clever or funny about this image, Mr. President,” matud sa mga obispo sa ilang sulat.
“We just buried our beloved Pope Francis and the cardinals are about to enter a solemn conclave to elect a new successor of St. Peter. Do not mock us.”
Gipakita usab sa left-leaning nga La Repubblica sa Italya ang imahe sa homepage niini kaniadtong Sabado nga adunay komentaryo nga nag-akusar kang Trump nga “pathological megalomania.”
Sa iyang tubag, si Press Secretary Karoline Leavitt nagkanayon, “President Trump flew to Italy to pay his respects for Pope Francis and attend his funeral, and he has been a staunch champion for Catholics and religious liberty.”
Sa iyang bahin, ang kaalyado ni Trump nga si Sen. Lindsey Graham, miingon sa X: “I was excited to hear that President Trump is open to the idea of being the next Pope. This would truly be a dark horse candidate, but I would ask the papal conclave and Catholic faithful to keep an open mind about this possibility!”
“The first Pope-U.S. President combination has many upsides. Watching for white smoke…. Trump MMXXVIII!” / AP