NAGKANAYON si US President Donald Trump ning Biyernes, Hulyo 4, 2025 (PH time), nga nagplano siya nga mopahigayon og Ultimate Fighting Championship (UFC) event sa White House sa sunod tuig alang sa ika-250 nga anibersaryo sa declaration of independence sa US.
Naila sa kalibutan sa mixed martial arts isip “Combatant in Chief,” si Trump nihangop ni UFC President Dana White isip usa ka suod nga higala ug nikonsiderar nga ang MMA fans apil sa iyang political base.
“We’re going to have a UFC fight, think of this, on the grounds of the White House,” matod ni Trump nga napatik sa Reuters.
“We have a lot of land there. We are going to build a little - we are not, Dana (White) is going to do it ... we are going to have a UFC fight, championship fight, full fight, like 20-25,000 people, and we are going to do that as part of 250 also.”
Si Trump regular nga magtan-awan og mga away sa UFC diin ang labing ulahi nahitabo sa miagi lang buwan sa New Jersey. /Gikan sa wires