Gianunsyo sa Cebu 1st District Engineering Office sa Department of Public Works and Highways Central Visayas (DPWH) 7 nga light vehicles ra ang makaagi sa Mananga Bridge 1 sa Dakbayan sa Talisay, Sugbo sugod kagahapon’g adlawa, Abril 8, 2025.
Sa pamahayag nga gi-post sa Facebook page sa DPWH 7, giawhag sa ahensiya ang mga dagko'ng sakyanan nga mobiyahe paingon sa habagatan sa paggamit sa Cebu South Coastal Road sa South Road Properties isip alternatibong rota.
Walay gitumbok sa post kon unsa ang hinungdan sa pagdili o kon unsa kadugay ang taytayan nga dili paagian sa mga bug-at nga sakyanan. / CDF