‘Tulisan, kawatan’ nadakpan sa polis

 NADAKPAN: Si Rex Milagrosa Palla­res, 22, nasikop sa mga polis nga ningres­ponde sa pag-alarma kaniya niadtong Biyernes, Nobiyembre 24, 2023 sa North Reclamation Area kay armado. Nakuhaan siya og drugas ug pusil. /TAMPO
NADAKPAN: Si Rex Milagrosa Palla­res, 22, nasikop sa mga polis nga ningres­ponde sa pag-alarma kaniya niadtong Biyernes, Nobiyembre 24, 2023 sa North Reclamation Area kay armado. Nakuhaan siya og drugas ug pusil. /TAMPO

Giingon nga notado’ng kawatan ug tulisan nasikop human gialarma kay armado sa usa ka mall sa North Reclamation Area, Barangay Mabolo, dakbayan sa Sugbo alas 9 sa Biyernes sa gabii, Nobiyembre 24, 2023.

Ang suspek giila nga si Rex Milagrosa Pallares, 22, taga Sitio Agustin, Barangay Mabolo, dakbayan sa Sugbo.

Nakadawat og tawag sa telepono ang Mabolo police station gikan sa mga personnel sa mall nga dunay tawo nga ilang nakit-an nga armado.

Ningresponde ang mga polis ubos sa supervision ni Police Major Eraño Regidor.

Ilang naabtan ang suspek sa dapit ug nakuha ang iyang gidala nga usa ka .22 kalibre nga revolver nga loaded og duha ka mga bala.

Nakakuha usab ang mga polis og duha ka putos sa gituohang shabu nga motimbang og 10 gramos nga dunay standard drug price nga P68,000 gikan kang Pallares.

Makadagha na gialarma ang suspek sa dapit human gitudlo nga maoy manulis sa pipila ka mga pasahero nga mosakay og PUJ, lakip na ang pagsaka sa kabalayan aron mangawat.

Matod ni Regidor nga ang mga trabahante sa lain nga mall kanunay nangabiktima ni Pallares, ilabi na sa pana­hon sa kagabhion nga sila mamauli.

Mangatang, matod pa, kini sa ngitngit ug dayong pani-on sa dala nga armas ug deklarar og tulis.

Kon moresponde na ang mga polis, dali kini nga makasibat sanglit naa ra kini sa luyo sa usa sa mga mall nagpuyo.

Gawas sa tulis ug kawat, na­lambigit usab siya sa ilegal nga drugas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph