‘Tulisan’ nasikop sa buy-bust

SUSPEK: Ang suspek nga notado’ng tulisan sa lungsod Cordova nadakpan sa gipahigayon nga buy-bust, alas 3:40 sa hapon sa Marso 7, 2024 sa Brgy. Buagsonga. /
SUSPEK: Ang suspek nga notado’ng tulisan sa lungsod Cordova nadakpan sa gipahigayon nga buy-bust, alas 3:40 sa hapon sa Marso 7, 2024 sa Brgy. Buagsonga. /KAPULISAN SA CORDOVA

Ang gihulagway nga maidlas nga notado’ng tulisan sa lungsod Cordova nadak­pan sa gipahigayon nga buy-­bust, alas 3:40 sa ha­pon sa Marso 7, 2024 sa Brgy. Buagsonga.

Ang buy-bust sa mga sakop sa Cordova Police Municipal Drug Enforcement Unit nga gipangulohan sa ilang hepe nga si Police Major Michael C Gingoyon ug ubos koordinasyon sa Philippine Drug Enforcement Agency (PDEA 7) niresulta sa pagkasikop sa suspek nga giila nga si Jay-R Lopez, alyas “Onom”, 23, ulitawo, way trabaho, residente sa lugar.

Nasayran sa Superbalita Ce­bu nga ang suspek na-validate, nga gawas nga manulis, namaligya pa og shabu.

Ang kapulisan nigamit og P500 nga buy-bust money.

Sa pagtunol sa gamay nga pakite sa shabu, siya gidakop.

Siya nakuhaan og 15 ka pakite sa gidudahang shabu nga ang tanan motimbang og 0.8 ka gramo nga may estimated drug price nga P5,440.

Ang suspek nasakmitan pa og .38 kalibre nga revolver nga may duha ka mga bala ug resibo sa iyang giprenda nga cell phone nga gituohang iyang tinulis.

Matod pa nga sa dihang giim­bistigar ang suspek, kini niangkon sa iyang mga pagpanulis. Ang uban nga nakuha’ng cell phone gikan sa mga biktima, iya nang gipangprenda. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph