‘Tulisan’ sikop, mihilak nga nangayo og pasaylo

CITIZEN’S ARREST: Si Carlo Rosil Espejon, 21, ulitawo, taga Sitio Tugas, Brgy. Mambaling Cebu City, nasikop sa lalaki nga giingong iyang gitulis apan nakapangayo og panabang sa iyang mga higala hinungdan nga siya nasikop. /
CITIZEN’S ARREST: Si Carlo Rosil Espejon, 21, ulitawo, taga Sitio Tugas, Brgy. Mambaling Cebu City, nasikop sa lalaki nga giingong iyang gitulis apan nakapangayo og panabang sa iyang mga higala hinungdan nga siya nasikop. / GUAM P. LOGROÑO

Suspetsadong tulisan nag­hilak nga nangayo og pa­saylo human nasuta nga iyang kauban sa fraternity ang iyang gitulis alas 9 sa gabii sa Martes, Disyembre 26, 2023, sa dalan F. Vestil, Barangay Mamba­ling, dakbayan sa Sugbo.

Ang suspek nga nasikop pinaagi sa citizen’s arrest mao si Carlo Rosil Espejon, 22, ulitawo, taga Sitio Tugas, Mambaling, dakbayan sa Sugbo.

Ang suspek niangkon ngadto sa kapulisan nga sakop siya sa akyat bahay gang ug miyembro sa usa ka fraternity.Samtang ang biktima mao si BJ Gabuya Zabate, 24, tinun-an sa Criminology sa usa sa mga unibersidad sa dakbayan sa Sugbo, taga Barangay Basak San Nicolas, ning dakbayan.

Sa Mambaling Police Station, nagbakho si Espejon nga nangayo og pasaylo kang Zabate nga iyang brother sa fraternity.

Matod niya nga wala niya tuli­sa, iyaha lang gisakmit ug gidagan ang cellphone nga nagkantidad og P12,000 ug P1,800 cash.

Apan ang biktima nibutyag sa kapulisan nga naglakaw siya niadtong higayona ug kalit siyang gitiunan og hunting knife sa suspek ug pugsanong nikuha sa iyang cellphone ug kwarta.

Dason sa biktima nga human sa pagtulis, yano nga naglakaw ang suspek.

Apan mga 20 metros ang gilay-on gikan sa nahitaboan, nakit-an ni Zabate ang iyang mga higala sa lugar ug gisultihan sa nahitabo kaniya busa dali nilang gigukod ang suspek.

Dihang nadakpan nila si Espejon, ila kining gi-turnover sa kapulisan.

“Kon nakahibalo pa ko nga brod diay nako sa fraternity, dili nako hilabtan,” matod sa sus­pek nga nahinabi sa Superbalita Cebu. Tungod sa iyang nahimo, nagbalikbalik siya og pagpangayo og pasaylo.

Giangkon sa suspek nga nabilanggo siya kaniadto sa kaso’ng pagpangawat.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph