Emosyonal ang pagpanamilit sa tulo ka mga konsehal sa Dakbayan sa Talisay atol sa katapusan nilang pagtambong sa 8th Sangguniang Panlungsod niadtong Hunyo 24, 2025.
Ang konseho nipasidungog sa tulo nga nakatapos na sa ilang ikatulong termino nga sila si Konsehal Rodi Cabigas, Manuel Cabriana, ug Gail Restauro.
Si Konsehal Cabigas nga nagserbisyo sa pagkakonsehal sulod na sa 27 ka tuig mapasalamaton nila ni kanhi Kongresista Eduardo Gullas, iyang uyoan nga si kanhi Mayor Socrates Fernandez, ug sa higala nga Jay-r Rabaya nga maoy responsable nga gisudlan niya ang pulitika.
Nagsugod siya sa pagkakonsehal niadtong 1992 dihang usa pa ka lungsod ang Talisay ug si Delhia Tiu pa ang mayor.
Samtang sila si Cabriana ug Restauro puno sab sa pagpasalamat nga nakaserbisyo sa mga Talisaynon.
Human sa ilang valedictory address sa tulo ka konsehal, pipila sa mga staff ang nanghilak.
Nitambong sa session si kanhi mayor karon Councilor-elect Fernandez ug kanhi City Councilor Arturo Bas.
Ang mopuli sa tulo mao ang mga bag-ong Councilor-elect nga sila si Atty. Dan Villaver, Rodylle Cabigas, ug Fernandez. / VLM