Tunghaan gilungkab; 15 ka tablets, 3 ka laptop gikawat

GI-UKAD­YANG: Usa sa mga lamesa sa buhatan sa Cawayan Central Elementary School ang giukay sa kawatan. / HULAGWAY gikan ni Roy Pintor
GI-UKAD­YANG: Usa sa mga lamesa sa buhatan sa Cawayan Central Elementary School ang giukay sa kawatan. / HULAGWAY gikan ni Roy Pintor

Gilungkab ang pipila ka mga buhatan ug classrooms sa Cawayan Central Elementary School, Barangay Cawayan, Lungsod sa Dalaguete, habagatang Sugbo sa wa pa mailhing kawatan.

Ang pagpanglungkab nasuta nga nahitabo alas 8 sa buntag sa Martes, Mayo 14, 2024, diin ang mga buhatan sa principal, school supervisor, classroom sa Grade IV, lakip na ang tindahan, gisulod sa kawatan.

Ang mga butang nga nawala mao ang 15 ka tablets ug tulo ka laptops nga adunay logo sa Department of Education (DepEd).

Nihimo na og follow-up ang kapulisan sa Dalaguete ubos sa pagdumala ni P/Maj. Kenneth Albotra aron sa pag-ila sa kawatan.

Nanawagan ang kadagkuan sa Cawayan Central Elementary School niadtong gibaligyaan sa maong mga gadget nga adunay logo sa DepEd sa pagkontak ning mga numero: 09666187414, 09569719894.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph