Ang pagbalos ang naa sa hunahuna ni Anthony Edwards ug Minnesota Timberwolves sa pagtikang sa Western Conference Finals sa ilang korte, Sabado, Mayo 25 (PH time).
Wa mapakyas ang Timberwolves ug gilat-an ang Oklahoma City Thunder, 143-101, sa Game 3 para mapaubos ang labaw sa ilang kontra sa series ngadto sa 2-1.
Si Anthony Edwards mipupo og30 puntos, siyam ka rebounds, ug unom ka assists sa tulo lang ka quarters para sa Timberwolves.
“Just ultimate pressure on the ball,” ingon ni Edwards, “and shoot it as much as I can.”
Samtang ang forward nga si Julius Randle miamot og 24 puntos ug ang rookie nga si Terrence Shannon Jr. midugang og 15 puntos sa 13 minutos nga playing time gikan sa bench.
“Their force on that end of the floor was better than our physicality and pressure, things that we typically do well," matod ni Thunder coach Mark Daigneault.
Ang depensa sa Wolves maoy dako nga factor sa duwa kay igo lang nakahimo ang newly-crowned MVP nga si Shai Gilgeous-Alexander og 14 puntos gikan sa 4-for-13 shooting uban ang upat ka turnovers.
“It felt like we just eased into the game, and they didn’t,” matod ni Gilgeous-Alexander. “They blitzed us pretty early, and then we were never able to get back because of it.”
Ang Game 4 duwaon gihapon sa Minneapolis karong Martes.
Ang Thunder midaog sa unang duha ka duwa sa series didto sa ilang korte. / RSC