Ang unang gold medal sa 2025 Palarong Pambansa malabni na karong Lunes, Mayo 26, sa girls’ secondary 3,000 meter finals didto sa Ferdinand E. Marcos Memorial Stadium (FEMMS) Track and Field, Laoag City.
Sa miaging tuig sa Cebu City, ang Sugbuanon nga si Asia Paraase maoy nakakuha sa unang gold medal sa 3,000m contest.
Ang uban pang mga dula nga ipahigayon sa lain-laing mga lugar sa Ilocos Norte sa samang adlaw mao ang archery, badminton, aero, rhythmic ug artistic gymnastics, tulo ka paragames (bocce, goalball, ug swimming), chess, billiards, pencak silat, wrestling, sepaktakraw, futsal, ug weightlifting.
Ang softball, arnis, wushu, basketball (5x5, 3x3), tennis, baseball, para athletics, table tennis, boxing, ug football nagsugod na pag-abot sa weekend.
Niadtong Sabado sa gabii, pormal nga gibuksan ang annual nga torneyo ni Presidente Ferdinand “Bongbong” Marcos Jr., kauban ang mga top officials sama ni Education Sec. Sonny Angara ug Philippine Sports Commission (PSC) chairman Richard Bachmann.
Gihatagan ni Marcos ang signal sa pagsugod sa usa ka semana nga scholastic meet nga gihimo sa presensya sa liboan ka mga partisipante gikan sa 18 ka rehiyon ug duha ka espesyal nga delegasyon. / RSC