
Ang Oklahoma City Thunder mao ang bag-ong hari sa National Basketball Association (NBA) human nila gilubong ang Indiana Pacers, 103-91, sa Game 7 sa NBA Finals, Hunyo 23, 2025, sa Oklahoma City.
Nakuha sa Thunder ang unang titulo ubos sa pangalan nga Oklahoma City Thunder sukad nibalhin kini niadtong 2008 gikan sa Seattle Supersonics. Ang Seattle uwahing nidaog og titulo sa tuig 1979.
“You have to really grind it out,” matod pa ni Thunder coach Mark Daigneault. “It’s an endurance race. You have to be able to win in the mud. You have to be able to win ugly, have to be able to gut it out. That’s what we did. The team did an unbelievable job of that.”
Ang Thunder mao ang labing bata nga team nga nidaog og NBA championship sukad sa 1976-77 Portland Trail Blazers. Ang team adunay average age nga 25.68 years.
Gipangulohan ni Shai Gilgeous-Alexander ang Thunder sa iyang 29 puntos, lima ka rebounds, ug 12 ka assists. Sa tibuok Finals, nag-average siya og 30.3 puntos, 5.6 assists, 4.6 rebounds, ug 1.9 steals.
Ang regular season MVP mao pud ang nidaog sa NBA Finals MVP.
Si Gilgeous-Alexander ang unang player sukad ni LeBron James sa tuig 2013 nga nidaog sa NBA title, regular season MVP, ug Finals MVP sa usa ka season.
"We prioritize winning," matod ni Gilgeous-Alexander. "We don't prioritize anything else in this game. We want to win and we want to win on the highest level."
Nakahimo sab og record si Chet Holmgren sa iyang lima ka blocks nga maoy labing daghan sa Game 7 NBA Finals sukad gisugdan og record ang blocks sa 1973-74 season.
“Honestly, I never really play for records,” sulti sa 7-foot-1 nga forward. “I never play for stats. All that will be forgotten. But us winning is forever. It’s immortal. I’m just so happy we were able to do that together as a team.”
Ang Pacers gidimalas sa final game sa NBA season tungod kay napiang ang superstar nga si Tyrese Haliburton sa first quarter.
Si TJ McConnell nihatag og 16 puntos samtang si Pascal Siakam nalimitahan sa 16 puntos gikan sa 5-for-13 shooting. / RSC