Gipahibalo ni Cebu City Mayor Raymond Alvin Garcia sa Biyernes, Abril 25, 2025, nga ipadayon sa siyudad ang underground cabling project sa heritage district, inubanan sa pag-amping aron mapanalipdan ang historical artifacts nga posible’ng makawtan kon ugaling aduna man.
Ang underground cabling nga inisyatibo, nga gimando ubos sa City Ordinance 2750, nagtumong sa pagbalhin sa mga utility, power, television, ug telecommunications cables ilawom sa yuta sulod sa hurisdiksyon sa Dakbayan sa Sugbo.
Apan ang lokasyon sa pro-yekto nag-aghat sa City Cultural and Historical Affairs Commission (Chac) nga i-suspendi lang una ang trabaho gawas kon adunay archaeologist nga mag-moni-tor sa dapit.
Si Museums and Heritage consultant Jose Eleazar Bersales, kinsa usa usab ka komisyoner sa Chac, mipasidaan sa posibilidad nga makawtan ang mga mahinungdanong artifact, nga posible nga sukad pa sa panahon ni Rajah Huma-bon sa Sugbo.
Iyang gitumbok ang insidente niadtong 1967 diin nadiskobrehan ang mga karaang Chinese artifact atol sa pagpangubkob sa mga kable sa telepono sa dalan Magallanes ug dalan Lapu-Lapu sa downtown area.
Ang maong mga kabalaka gihatagan og pagtagad ni Ma-yor Garcia, nga nagkanayon, "We are very careful about it considering it's a heritage area, we might find artifacts underground."
Iyang gimanduan si Konsehal Jerry Guardo, ang chairperson sa Committee on Infrastructure, sa pagsiguro sa makuti nga pagpatuman sa proyekto.
Aron matubag ang mga kabalaka sa Chac ug mapanalipdan ang bisan unsang potensyal nga madiskobrehan, gikumpirmar ni Mayor Garcia nga ang siyudad mo-hire og archaeologist nga motambong sa tibuok proseso sa pagpangubkob.
"It's better that we hire an archaeologist during the whole operations to prevent damage to any artifacts," matod sa mayor ndto sa mga tigbalita.
Si Bersales mikompirmar nga ang Fibernet Konstrukt Corp., ang contractor sa pilot project, nikonsulta na og archaeologist.
Ang unang hugna sa proyekto maglangkob sa pagkalot ug labing menos 38 ka open pits nga may sukod nga 1.1 por 1.5 metros ug may giladmon nga 1.28 metros. / JPS