
Nahalin og $2.623 million o mga P146 million sa Heritage Auction ang uniporme ni basketball legend Michael Jordan nga iyang gigamit sulod sa 17 ka mga duwa atol sa malampusong kampanya sa Chicago Bulls niadtong 1992-93 National Basketball Association (NBA).
Sa 1992-93 season, naangkon sa Bulls ang labing una sa duha nila ka three-peat nga kalampusan.
Ning maong season, nahimo si Jordan nga NBA scoring champion sulod sa pito ka sunodsunod nga katuigan ug nag-average siya og rekord nga 41 puntos sa NBA Finals series. / Gikan sa wires