Gisugat sa standing ovation ang pagsulod ni President Donald Trump sa Prudential Center sa New Jersey, Domingo, Hunyo 9, 2025, samtang misulod siya para motan-aw sa UFC 316 — og sa makadiyot, gibutang sa kilid ang iyang panagbangi kontra tech billionaire Elon Musk aron tutukan ang aksyon sa cage.
Kauban ni Trump si UFC President Dana White, ug misulod silang duha padulong sa cageside seats samtang nagpatugtog ang “American Bad Ass” ni Kid Rock. Kini nga entrance pareho ra sa ilang gibuhat niadtong Nobyembre sa Madison Square Garden, apan kaniadto, kauban nila si Musk.
Samtang naglakaw padulong sa cage, gipang-apiran ni Trump ang mga fans ug supporters — lakip na si Mike Tyson, ang legend sa boxing — nga nagpaabot og mainiton nga pagsugat.
Kauban ni Trump sa maong gabii ang iyang anak nga si Ivanka Trump, ang bana niini nga si Jared Kushner, ug iyang anak nga lalaki nga si Eric Trump. Nakuyog usab si Secretary of State Marco Rubio.
Gisugatan usab ni Trump ang broadcast team sa UFC, lakip na si Joe Rogan, nga mi-host kaniya sa podcast sa kataposang yugto sa kampanya sa miaging tuig. / RSC