Hukman sa usa ka duwa ang tibuok season sa Oklahoma City Thunder ug Indiana Pacers sa ilang pagsangka sa Game 7 nga maoy utlanan sa National Basketball Association (NBA) season ugmang adlawa, Hunyo 23, 2025 (PH time) didto sa Paycom Center, Oklahoma City.
Ang pangandoy nga unang titulo sa Thunder ug Pacers mabutang sa usa ka duwa, diin pwede nilang makuha ang himaya o ang kasakit sa kapilidihan.
“One game. Winner takes all. Give it your best shot. Bring your ‘A’ game. I don’t try to complicate it,” matod pa sa All-Star guard Gilgeous-Alexander sa Oklahoma City Thunder.
Si Gilgeous-Alexander ug ang Thunder napakayas paglangkat sa titulo sa Game 6, diin gipildi sila sa Pacers, 108-91, nga maoy nitabla sa series, 3-3.
Dako ang pagmahay sa Thunder nga wa nila matapos ang series niadtong higayona.
“The way I see it is, we sucked tonight,” sigun ni Gilgeous-Alexander human sa Game 6. “We can learn our lessons. We have one game for everything, for everything we’ve worked for, and so do they.”
Mao kini ang unang NBA Finals nga miabot sa Game 7 sukad tuig 2016, diin gipildi sa Cleveland Cavaliers ang Golden State Warriors pinaagi sa bayanihon ug iconic nga itsa ni Kyrie Irving.
Sa kinatibuk-an mao kini ang ika-20 nga Game 7 sa NBA Finals history.
Misaad si Gilgeous-Alexander nga ipagawas ang best version sa iyang kaugalingon sa winner-take-all game.
Samtang ang bisita nga Pacers nga gipangulohan ni guard Tyrese Haliburton miingon nga excited siya nga moduwa sa Game 7.
“It’s exciting, man. It’s so, so, exciting,” matod niini. “As a basketball fan, there’s nothing like a Game 7. There’s nothing like a Game 7 in the NBA Finals. Dreamed of being in this situation my whole life. So, to be here is really exciting. Really exciting for our group. What happened in the past doesn’t matter. What happened today doesn’t matter. It’s all about one game and approaching that the right way.”
Ang teammate ni Haliburton nga si T.J McConnel miingon nga para sila makakawat og daog sa korte sa Thunder kinahangalan nga mas doble pa ang ilang himuon nga pagkayod.
“I think we played to exhaustion in Game 6,” ingon ni guard T.J. McConnell. “But we have to do it again on Game 7.”
Ang coaches sa Thunder ug Pacers pulos miingon usa ka pribilihiyo ang makaduwa sa Game 7.
“A privilege,” ingon ni Thunder coach Mark Daigneault.
“A great privilege,” sigun ni Pacers coach Rick Carlisle. / RSC