Gilihok na og sugod sa National Basketball Association (NBA) ang kabahin sa plano niini nga gamiton ang US vs. World nga format alang sa All-Star Game sa sunod season, matod sa usa ka tinubdan.
Wala pa’y katinuan kon unsa ang mga pamaagi sa format, matod sa tinubdan, kinsa dili gustong magpaila tungod kay wala pa nakabuhi og pinal nga desisyon ang NBA kabahin niini.
Sa interbyu sa Fox Sports 1 ning Huwebes, Hunyo 5, 2025 (PH time), si NBA Commissioner nakasugat og pangutana kon posible ba nga mahitabo ang USA vs. World format.
“Yes,” dinaliang tubag ni Silver.
Gipadangat ni Silver kining maong ideya niadto pang Marso 27 sa labing ulahing board of governors meeting atol sa iyang pagbutyag nga tangtangon na ang All-Star mini-tournament format nga gigamit ning kasamtangang season.
“What better time to feature some form of USA against the world? I’m not exactly sure what the format will be yet,’ matod ni Silver.
Sa kasamtangan, 70% sa mga magduduwa sa NBA ang mga Amerikano samtang 30% ang mga langyaw apan adunay daghang dekalidad nga international players ang NBA sama na lang sa kasamtangang MVP nga si Canadian Shai Gilgeous-Alexander sa Oklahom City Thunder. / Gikan sa wires