Utang sa Pilipinas miabot na’g P14.6T

Utang sa Pilipinas miabot na’g P14.6T
SunStar Local News GPX

Ang outstanding nga utang sa Pilipinas niabot og P14.62 trilyon sa pagtapos sa 2023, dul-an sa 9 porsyento nga mas taas itandi sa 2022, ang Bureau of the Treasury (BOT) nipahibalo niadtong Miyerkules, Enero 31, 2024.

Ang BOT niingon nga ang utang sa Nasudnong Kagamhanan misaka og P1.20 trilyunes o 8.9 porsyento gikan sa katapusan sa 2022 nga lebel.

Sa kinatibuk-ang stock sa utang sa Disyembre 2023, 31.5 porsyento o P4.60 trilyunes ang mga langyaw nga utang, 2.54 porsyento o P114.02 bilyunes nga mas taas kon itandi sa miaging bulan, ug 9.21 porsyento o P387.86 bilyon nga labaw sa katapusan sa Disyembre 2022.

Ang ahensya niingon nga ang pagsaka sa utang sa gawas gikan sa katapusan sa 2022 hangtod sa katapusan sa 2023 tungod sa net availment sa langyaw nga utang nga nagkantidad og P88.24 bilyunes, nga naglakip sa $1 bilyubes nga una nga pag-isyu sa Islamic bond ug disbursement sa mga utang sa programa gikan sa ADB nga nagkantidad og $300 milyon.

Ang epekto sa third-currency adjustments batok sa US dollar midugang usab og P28.45 billion, nga nabawi og gamay sa P2.67 billion isip epekto sa paglig-on sa peso batok sa US dollar.

Sa bahin sa domestic borrowings para sa katapusan sa Disyembre 2023, nisaka ngadto sa P10.02 trilyon o pagsaka og 8.79 porsyento o P809.54 bilyunes gikan sa 2022 apan .06 porsyento o P6.48 bilyunes nga mas ubos kon itandi sa Nobiyembre 2023.

Ang gitumbok nga hinungdan sa pagkunhod sa net gumikan sa pagtubos sa mga securities sa gobyerno. / TPM sa SunStar Philippines

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph