Villanueva mobalik og away, Marso 29

Villanueva mobalik og away, Marso 29
Boxing SunStar File photo

Mobalik og away si kanhi ALA fighter Arhit Villanueva karong Marso 29, 2024, batok ni American prospect Elijah Pierce sa Overtime Elite Arena sa Atlanta, Georgia, USA.

Si Villanueva miretiro niadtong 2019 apan nakadesisyon kining mobalik pag-away ug midaog siya sa niagi niyang tulo ka mga tahas.

Niposte siya og unanimous decision nga kadaugan batok ni Bryan Tamayo niadtong 2021 unya iyang gi-knockout si Jakpan Sangtong sa 9th round niadtong 2022 dayon iyang gipaundang sa 4th round si Chatre Buakaewdee sa mi­aging tuig.

Alang ning awaya, si Villanueva nag-training sa US gikan pa niadtong Septiyembre sa miaging tuig diin nahimo sab siyang sparring partner ni kanhi world champion Jerwin Ancajas.

Si Villanueva, kinsa three-time world title challenger, naggunit og 35-4-1, 20KOs nga baraha samtang si Pierce, kinsa usa ka world rated, adunay 18-2, 15KOs nga baraha.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph