Magpaduol og suway ang Filipina boxers nga sila si Aira Villegas ug Nesthy Petecio sa ilang pangandoy nga maangkon ang labing unang Olympic boxing gold medal alang sa Pilipinas.
Ang duha ka figthers, nga parehong nakaseguro nang daan og bronze, mohamag sa ilang misyon sa semi-finals sa ilang tagsatagsa ka weight division sa Paris Olympics sa magsunod duha ka mga adlaw.
Si Villegas, 29, kinsa lumad nga taga Tacloban City, Leyte, maoy unang mohamag batok ni Turkish Buse Naz Cakiroglu sa women’s 50kg bout karong Miyerkules, Agusto 7, 2024 sa alas 4:18 sa kadlawon (PH time).
Si Petecio, 32, kinsa lumad taga Sta. Cruz, Davao del Sur, makigbatok ni Julia Szeremeta sa Poland sa women’s 57 kg category Huwebes, Agusto 8, alas 3:46 sa kadlawon.
Ang modaog ning mga awaya makaabante sa gold medal bout.
Ang Pilipinas nakabaton na og gold medal sa weighlifting ug gymnastics ning prestihiyusong kompetisyon. / ESL