Visa-free sa Taiwan padayon alang sa Pinoy
Gipalawig pa sa nasod nga Taiwan ang ilang visa-free entry program alang sa mga naghupot og Philippine passport hangtod sa tuig 2026.
Matod ni Taiwanese Minister of Foreign Affairs Lin Chia-lung, pinaagi sa iyang social media, nga usa ka tuig nga extension ang visa-free entry alang sa mga Pinoy.
Una na kining gipubliko ni Lin Chia-lung atol sa Philippine Independence Day reception nga gi-host sa Manila Economic and Cultural Office sa Taipei.
Gikumpirma sa Taipei Economic and Cultural Office sa Manila nga ang Ministry of Foreign Affairs sa Taiwan mopagawas usab og opisyal nga pahibalo karong Lunes.
Unang nalakip ang mga Pinoy sa pilot visa-free scheme sa Taiwan niadtong Nobiyembre 2017.
Kini nagtugot kanila nga makabisita sa Taiwan nga walay visa sulod sa labing menos 14 ka adlaw. / PNA