Nakadawat ang Visayas Command (VisCom) sa Armadong Kusog sa Pilipinas og balor usa ka trak nga mga muwebles gikan sa Filinvest Land, Inc. (FLI) alang sa intelligence office niini.
Nitimaan sa kasulatan si John Paul Escario, FLI assistant vice president ug area general manager alang sa Sugbo, ug nitunol sa gihatag nga mga muwebles nga unang nagamit sa mga modelo’ng pinuy-anan sa Corona del Mar sa Dakbayan sa Talisay.
Nisaksi sab sa kasabutan si Maj. Natalie Kris Añasco, hepe sa production branch, ug nidawat sa mga muwebles ubos sa programang Pusong Filinvest, ug nidala ngadto sa kwartel sa VisCom sulod sa Camp Lapulapu sa Dakbayan sa Sugbo.
Nisaksi sab sa pagtunol sila si senior project manager Carl Mondala uban kang senior security manager Paul Bernard Dignadice, Jessie Dacanay, ug Julie Ruby Villacarlos, tig-abag sa HR.
Gilangkuban ang mga muwebles sa duha ka pintadong sofa, taas nga lamesang kahoy, laing lamesang kahoy nga may duha sa hunos sa kilid, laing lamesang kahoy nga may hunos sa ibabaw, duha ka mga katreng bayanan, duha ka dagkong mga samin sa bongbong, tulo ka chandelier, lain pa’ng lamesa, ug butanganan sa mga sapatos.
Nakahatag sab sa miaging tuig ang FLI ngadto sa 53rd Engineer Brigade sa Army, nga gi-angga-an og “Visayas Builders” nga nakabase sab sa Camp Lapulapu, og duha ka trak nga muwebles ug kagamitan alang sa bag-o niining natukod nga kahimanan. /