Andam na ang tanan alang sa pagpahigayon sa “Kumong Bol-anon XIV” boxing promotion karong Marso 8, 2024 sa Tagbilaran City, Bohol.
Sa main event sa promosyon, depensaan ni PMI boxing stable fighter Virgel Vitor ang iyang World Boxing Organization (WBO) Oriental super featherweight title batok ni South Korean Tae Sun Kim.
Nagkanayon si PMI Bohol Boxing Promotions head Atty. Floriezyl Echavez Podot nga nahan-ay na ang tanan kabahin sa promosyon.
“Andam na ang tanan. Andam na sab si Regie for this fight. Naa siya sa saktong condition,” asoy ni Podot.
Si Vitor, kinsa kanhi sakop sa nabungkag nga ALA gym sa Dakbayan sa Sugbo, adunay 21-3, 14KOs nga rekord samtang si Kim adunay 11-1-2, 8KOs nga baraha.