Volkanovski nasakmit ang titulo sa UFC 314

Dili na bag-o kang Alexander Volkanovski ang championship fight, iyang gipakita ang pagkabeterano sa paglupig ni Diego Lopes pinaagi sa unanimous decision sa UFC 314 didto sa Miami kagahapon, Abril 13 (PH time).

Sa iyang ika-10 nga championship match, ang kahanas ni Volkanovski maoy misidlak ug nakita kini sa judges, duha ang miiskor og 49-46 ug ang usa 48-47 aron sakmiton ang featherweight title.

“It's good to be back,” matod ni Volkanovski. “I promised my girls I would bring the belt back to them. It doesn't matter about bringing the belt back. The message was a lot of people counted me out.”

Si Volkanovski (27-4) naka depensa sa iyang titulo upat ka higayon, sa wa pa kini mosaka og weight class og napilde kang Israel Makhachev niadtong Pebrero 11, 2023. Human niya makuha ang featherweight title pagbalik sa lima ka buwan ang milabay, napidle og duha ka sunodsunod si Volkanovski. / RSC