Gidepensahan ni Palace Press Officer Claire Castro ang iyang tubag batok ngadto ni Vice President Sara Duterte human kini nanawagan nga magpakita og propesyonalismo.
Matod ni Castro, kabahin sa iyang trabaho ang pagtubag sa giingong way basehana’ng mga alegasyon batok kang Presidente Ferdinand R. Marcos Jr. ug sa administrasyon.
“Sumasagot lamang tayo sa walang basehang akusasyon sa Pangulo at sa administrasyon na may bitbit na ebidensya. Kapag hindi niya nasasagot ang aking mga nasasabi, magsisimula na siyang mamersonal at manira nang walang basehan. Hindi iyan professional,” pamahayag ni Castro.
Giingon sab niya nga ang usa ka propesyonal nga lider magpabilin sa nasod aron modumala, ilabi na atol sa panahon sa kalamidad, mosubay sa balaod, ug atubangon ang mga alegasyon.
“Kung susuriin ang mga pamantayang ito, malaki ang kakulangan ng Bise Presidente sa pagpapakita ng tunay na propesyonalismo at pananagutan sa publiko,” dugang niya.
Niadtong miaging bulan, gihulagway ni Duterte ang International Criminal Court (ICC) nga “lapdog” ni Marcos ug kanhing senador Antonio Trillanes IV, ingon man nga ang kaso nga giatubang sa iyang amahan nga si kanhi Presidente Rodrigo Duterte, gihulagway nga politically motivated. / PNA
