Ang Lapu-Lapu City nagpabilin nga wa nay mga ilegal nga Philippine Offshore Gaming Operators (POGO) sukad sa uwahing pag-raid niadtong Chinese company sa Barangay Mactan niadtong Septiyembre 7, 2019.
Sa online news program sa SunStar Cebu nga Beyond the Headlines, gipahibawo ni Lapu-Lapu City Mayor Junard ‘Ahong’ Chan niadtong Hulyo 23, 2024 nga walay aktibong POGO hubs sa siyudad.
Giklaro sa mayor nga ang raid nga nahitabo niadtong 2019 mao ang katapusang ilegal nga Pogo sa siyudad ug wala na’y susamang panghitabo pagkahuman niini.
Gisulti usab niya nga iyang gihatag ang mando sa Lapu-Lapu City Police nga maghimo og profiling sa matag barangay, usa ka rekord sa tanan nga mga langyaw nga nagpuyo sa siyudad, aron bantayan ang ilang mga negosyo ug kalihukan.
Ang inisyatibo usab nagtumong sa pagkuha og dali nga aksyon ug pag-ila sa mga langyaw nga naghimo og ilegal nga mga kalihukan sa siyudad.
Niadtong Hulyo 22, gipahibalo ni Presidente Ferdinand Marcos Jr. sa iyang ikatulong State of the Nation Address (SONA) nga ipatuman ang pagdili sa tanan nga mga Pogo tungod sa paghatag niini og hulga sa nasudnong seguridad sa nasod.
Gideklarar ni Marcos nga ang tanan nga mga Pogo kinahanglan nga mohunong sa operasyon sugod sa Lunes, nga nagmando sa Philippine Amusement and Gaming Corp. (Pagcor) nga hinay-hinay nga limpyuhan ang online nga mga kalihukan hangtod sa katapusan sa tuig. / DPC