GIKLARO ni Gobernador Pamela Baricuatro nga wala pa siyay gitudlo nga Terminal Manager sa Cebu Bus Terminals nga gidumala sa kapitolyo.
Bisan wala pay natudlo nga manager, gipasalig ni Baricuatro nga nagpadayon ang operasyon sa duha ka terminal nga hapsay ang pagbiyahe sa mga Sugboanon.
“We are still looking into appointments who will we appoint there though naay mga volunteers nga motabang nato didto but meanwhile we are looking into the legalities of the contracts of Mr. Loo and Topline,” matod ni Baricuatro sa Hulyo 7, 2025.
“So far karon wala pa ta'y officially na-appoint. So far wala pa ta'y official designation but definitely we will put someone there to manage,” dugang niya.
Subay niini, giangkon ni kanhi Barili Mayor Julieto Flores nga niboluntaryo siya sa temporaryong pag-manage sa bus terminal.
Apan gihimakak niini nga siya maoy gi-appoint nga mangulo sa terminals ubos sa Lalawigan sa Sugbo. / ANV