Dili ikalimod nga usa si Filipino boxing legend Manny Pacquiao sa makonsiderar nga greatest boxers of all time.
Niini, dili ikasupresa nga adunay movie producer sa US ang makahunahuna nga maghimo og salida kabahin sa kinabuhi sa Pambansang Kamao ng Pilipinas ug bugtong 8-division world champion sa kalibutan.
Hilabi na seguro kon modaog si Pacquiao sa iyang comeback fight batok ni Wolrd Boxing Council (WBC) welterweight champion American Mario Barrios karong Hulyo 20, 2025 (PH time), sa Las Vegas.
Kinsa kaha ang Hollywood actor nga puweding modala sa papel isip si Pacquiao?
Kon si Pacquiao ang pangutan-on, si Mark Walhberg ang iyang tubag, taho sa Sports Illustrated.
Niini, posibleng mao gyud kini ang mahitabo kon adunay himuong salida kabahin sa kinabuhi ni Pacquiao.
Gipasabot ni Pacquiao nga iyang higala si Wahlberg ug kanunay kini mobisita kaniya sa iyang training camp sa Amerika. / ESL