Wala pa masayri kon kanus-a mosugod pagduwa ang beteranong forward nga si Calvin Abueva sa bag-o niyang team nga NorthPort Batang Pier sa Philippine Basketball Association (PBA) Season 49 Philippine Cup.
Si Abueva, kinsa nabalhin gikan sa Magnolia Hotshots ngadto sa Batang Pier niadtong Martes, Mayo 27, 2025, pinaagi sa trade nga naghatod ni William Navarro sa Hotshots, wala moduwa kagahapon, Biyernes, Mayo 31, diin gikaharong sa Batang Pier ang TNT Tropang 5G.
Gawas ni Abueva, gihatag sab sa Hotshots ngadto sa Batang Pier si reserve guard Jerrick Balanza ug No. 51st pick aron makuha lang si Navarro, kinsa maoy No.2 overall pick sa 2020 Gilas Draft.
Wala pa ikabutyag kon unsa’y rason nganong wala pa niduwa si Abueva sa Batang Pier. / ESL