Gilusad sa Dakbayan sa Sugbo ang Walang Gutom Program (WGP) niadtong Huwebes, Hulyo 31, 2025. Moabot sa 52 ka mga benepisyaryo ang unang nakadawat sa ilang mga food items gamit ang Electronic Benefit Transfer (EBT) cards.
Ang tumong sa programa mao ang pagpakunhod sa kagutom ug paghatag og gahum sa mga pamilya nga adunay ubos nga kita.
Kini usa ka flagship initiative sa Department of Social Welfare and Development (DSWD), uban ang Department of Agriculture (DA) ug National Food Authority (NFA).
Gitinguha usab niini nga mopaubos sa presyo sa bugas ngadto sa P20 matag kilo.
Sa tibuok nasod, 300,000 ka mga tawo ang target sa programa sa unang tuig.
Sa Region 7, 32,000 ang gipunting nga makabenepisyo.
Ang mga beneficiary giila pinaagi sa National Household Targeting System for Poverty Reduction (NHTS-PR) ug sa Walang Gutom Indicator (Wagi) tool.
Ang matag EBT card adunay sulod nga P3,000 nga food credits.
Kini nga pundo gibahin alang sa masustansya nga mga pagkaon: P1,500 para sa “Go Foods” (carbohydrates), P900 para sa “Grow Foods” (proteins), P600 para sa “Go Foods” (prutas ug utanon)
Ang mga benepisyaryo mahimong maka-redeem sa ilang mga benepisyo sulod sa tulo ka tuig. / Jessa M. Bacus, UV Intern