Wanted misukol sa kapulisan, patay

Wanted misukol sa kapulisan, patay
MISUSI: Ang PNP Scene of the Crime Operation (Soco) nisusi sa dapit diin nahitabo ang pinusilay tali sa usa ka wanted ug kapulisan sa Purok 4, Brgy. Cantolaroy, lungsod sa Sibonga, alas 4 sa kaadlawon, Huwebes, Hunyo 20, 2024. /Dario V. Gil

Namatay ang usa ka tawo nga wanted sa kaso’ng robbery dihang nakigpinusilay sa kapulisan nga ning-serve sa warrant of arrest alas 4 sa kaadlawon, Huwebes, Hunyo 20, 2024, sa Purok 4, Brgy. Cantolaroy, bukirang dapit sa lungsod sa Sibonga.

Ang wanted person giila nga si Rebot Antiga Solis, 39, ulitawo, lumolupyo sa nahisgutang dapit.

Sa pakighinabi sa dyLA kang P/Lt. Exelsis Baring Belciña , office in charge (OIC) sa 703RD Maneuver Company sa Regional Mobile Force Battalion nga nagbase sa Mantalongon, lungsod sa Dalaguete, sila ning serve sa warrant of arrest.

Sa ilang pasiunang kasayuran nga wa kini magkatulganan sa ilang bay ug naa sa kapilya sa dapit magpundo hinungdan nga ilang giadto.

Sa dihang sila ningpaila nga mga polis aron pag-serve sa warrant of arrest, si Solis namusil gamit ang .45 kalibre nga pistola apan way naigo sa kapulisan hinungdan nga ningbalos sila sa pagpamusil ug naigo kini hinungdan sa iyang hinanali’ng nga kamatayon.

Nanawag ang kapulisan sa PNP Scene of the Crime Operation (Soco) aron pagproseso sa dapit nga nahitaboan.

Si Belciña nagkanayon nga iyang awhag sa kawtahan nga motabang sa kapulisan sa paghatag og impormasyon sa mga gipangita sa balaod aron mataral sa hukmanan. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph