Gipusasan ang usa ka construction worker kinsa gipangita gumikan sa kaso nga attempted murder nga nahitabo niadtong Marso 28, 2024 hinungdan nga nalutsan og warrant of arrest.
Si Edmundo Lem-it Nator, 51, construction worker, taga Purok 3, Barangay Kawasan lungsod sa Aloguinsan ang nasubay sa tracker team sa Aloguinsan Police Station ug nadakpan alas 12:40 sa udto, Miyerkules, Oktubre 30, 2024.
Si Police Captain Noah Añana, hepe sa Aloguinsan Police Station nga nahinabi sa Superbalita Cebu, nagkanayon nga si Nator, ilang nasikop pinasikad sa warrant of arrest sa kaso nga attempted murder.
Ang warrant of arrest gi-isyo ni Judge Anabelle Morana Robles, sa Regional Trial Court (RTC) Branch 96 sa Barili Cebu nga adunay piyansa nga P120,000.
Apan ang dinakpan nipasabot ngadto sa kapulisan nga gipareglahan siya niadtong higayona hinungdan iyang gibunalan og botilya ang iyang nabiktima./GPL