Usa ka 26-anyos nga lalaki gikan sa South Korea nga nag-atubang og kasong kriminal sa Seoul tungod sa giingong pagkalambigit niini sa peke nga currency trading gidakop sa mga ahente sa Bureau of Immigration (BI) sa Ninoy Aquino International Airport (NAIA) sa Pasay City.
Gihulagway sa mga otoridad sa South Korea ang pugante, nga giila sa BI nga si Jang Junseok, isip usa ka propesyonal nga tiggama og peke nga mga papel de banko sa South Korea, matod sa BI sa usa ka pamahayag niadtong Biyernes, Abril 12, 2024.
Mokabat sa kapin sa 30 milyones won o kapin sa P1.2 milyunes ang balor sa kuwarta nga giingon nga gipeke ni Jang, matod sa BI. / KAL