Wanted sa kasong rape misurender sa Dalaguete PS

Wanted sa kasong rape misurender sa Dalaguete PS
SunStar Local News GPX

NITAHAN sa kapulisan ang usa ka akusado sa duha ka mga kaso nga rape.

Ang akusado nga nitahan ngadto sa Dalaguete Police Station giila nga alias Jason (tinuod nga ngalan gipugngan), 36, taga-Barangay Liburon, Siyudad sa Carcar, habagatang Sugbo.

Siya nisurender sa Biyernes sa tungang gabii, Mayo 3, 2024.

Gisusi sa Dalaguete police, ubos sa pagdumala ni Police Major Clemente Ceralde Jr., ang iyang ngan sa e-warrant system ug nasuta nga may warrants of arrest sa duha ka mga kaso’ng rape si Jason nga giluwatan ni Judge Ernesto Engracia Narido, presiding judge sa Regional Trial Court Branch 11 sa Carcar City pinitsahan niadtong Oktubre 5, 2023.

Ang usa ka kaso adunay piyansa nga P200,000, samtang ang lain pang kaso sa rape way piyansa nga gitanyag. (DVG)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph