Nadakpan ang usa ka lalaki nga taga Diliman, Quezon City nga anaa sa listahan nga most wanted person tungod sa iyang giatubang nga duha ka kasong pagpanglugos.
Ang mga sakop sa Anda Municipal Police Station ang nidakop sa suspek nga si alyas Kuya Toto, 45, niadtong Biyernes sa gabii, Hunyo 13, 2025, sa Purok 5, Barangay Badiang, Lungsod sa Anda, Bohol.
Ang dinakpan adunay pending warrant of arrest nga giluwatan ni Judge Jose Bautista Jr., ang Presiding Judge sa RTC Branch 107 sa National Capital Region, Quezon City, niadtong Marso 5, 2025, sa kasong 2 counts sa statutory rape nga walay gitugot nga piyansa.
Ang Anda Municipal Police Station sa pagpangulo ni Police Captain Justeofino Hinlayagan uban sa Provincial Mobile Force Company sa Bohol Police Provincial Office ug Police Station 10, Kamuning Quezon City mi-serve sa maong warrant of arrest kang alyas Kuya Toto.
Matod sa usa sa mga personnel sa Anda Police Station nga usa ka concerned citizen ang naghatag nila og impormasyon nga dunay wanted person nga naabot sa Purok 5 sa Barangay Badiang ug nihatag kini ug detalye kon si kinsa. / AYB
